15.11.11

OS NENOS E NENAS DE E.ESPECIAL PINTAMOS UN MURAL DE VIGO

OS NENOS E NENAS DE EDUCACIÓN ESPECIAL PINTAN O MURAL DA CIDADE E O PORTO DE VIGO PARA IRLLE COMPLETANDO LOGO CON PERSONAXES PROPIAS.

EDUCACIÓN VIARIA

VIÑERON OS POLICÍAS DO CONCELLO DE VIGO A EXPLICARNOS AOS DE 5º COMO NOS TEMOS QUE MOVER POLA CIDADE, RESPECTANDO SEMPRE OS SINAIS.

10.11.11

SAMAIN 2

MÁIS CABAZAS. ALGUNHAS DAN MEDO! UHHHHHHHH!

O NOSO SAMAÍN 1

Moito traballaron as familias cos nenos e nenas! Así de fermosa e grande nos quedou a exposición. Ata saimos nun xornal de Vigo!

O SAMAÍN DO SEIS

A NOITE DO SAMAÍN. 2011 AS CAVEIRAS DE CABAZAS. Estimadas familias: Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as xoldras festeiras dos guerreiros. Era a noite máis perigosa do ano: as portas do outromundo abríanse nesas horas e as ánimas eran quen de vir visitar este mundo e aos seus moradores: a maioría das veces para render contas inacabadas. N a páxina bibliovictorsaenz.blogspot.com é interesante: • http://www.cubpack81.com/images/carve_pumpkin.swf ( para tallar caveiras no ordenador) • As Unidades Didácticas da web do Norberto. • A webquest sobre o Samaín. • O xogo do Samaín. • O video e a letra da Canción do Samaín de Mamá Cabra. http://www.youtube.com/watch?v=x_6qK2wiB44 ( video e canción de “Corre corre Cabaciña”) www.blogoteca.com/orecantodemik/ e senon, con poner en google: Recursos para o Samaín, xa está. Como sempre, faremos unha EXPOSICIÓN coas caveiras que fagan na casa cos seus fillos e fillas.Hai que traelas o luns, 24. Mentras a fan pódenlle contar contos sobre o tema ou botarlle imaxinación e inventar outros . Así melloran a súa expresión no galego, que lles fai boa falta. ¡ Hai unhos doces moi ricos que se fan coa polpa cocida da cabaza,ovos, fariña e azucre! Estamos dispostos a probalos se alguén os trae feitos. UUUhhhmmmm! Para aproveitar o papel, pedímoslle que por detrás os nenos e nenas recheen e adornen a súa cabaza favorita .Logo hai que pegala ,deixando un espazo para meterlle un fío e traela ao cole, recortada, para poñelas polo colexio adiante.

SAÍDA Á BOUZA: COMEZAMOS A COÑECER A NOSA CIDADE.

Os nenos e nenas de 4º fixemos unha saída moi interesante: fomos coñecer un dos poucos, ou único, parque natural que hai en Vigo: A BOUZA. Nel medran árbores, arbustos e prantas que medraron ceibes. Tamén hai unhas charcas que teñen rás e outros bichiños. Hai moitos carballos que dan unha sombra moi boa. E ata hai ortigas! levamos follas e flores para o cole e facer murais con elas. Temos que coidar este espazo natural para que cada vez estea mellor e poidamos disfrutar dela todos os vigueses e viguesas. Canto aprendemos!!!

20.1.11

CHEGOU O APALPADOR


XOGAMOS AOS BÓLOS CELTAS


OS XOGOS ESPECIAIS POPULARES


MURAL NA ENTRADA DOS XOGOS POPULARES

A ROUCHA


A PETANCA

A COMBA

A PATA DE GALO

ANTÓN PIRULEIRO

OS BOLOS CELTAS

A GOMA


OS PELOUROS


A SOGA-TIRA


A PORCA


OS SACA-PAUCIÑOS


A MARIOLA OU TRUCO


A BUXAINA, O TROMPO OU O PEÓN


O PANO


AS CARREIRAS DE SACOS


A CHAVE

A RA


19.1.11

OS XOGOS POPULARES GALEGOS


Este curso traballaremos colectivamente o tema de: “OS XOGOS POPULARES GALEGOS”, no primeiro trimestre, “CANTIGAS POPULARES GALEGAS”, e “CONTOS POPULARES GALEGOS” no terceiro trimestre.
Cada clase está traballando un xogo e facendo um mural coas normas que se expoñerán na entrada. Logo nos recreos xogarán e ensinarán a outros a xogar.
Escollemos este tema para que os nosos nenos e nenas coñezan esta parte da nosa cultura que desaparece se entre todos non a lembramos e a practicamos. Polo menos que saiban que existían outros xogos, as súas normas e se queren xogar que o podan facer.
O xogo é unha actividade presente en todos os pobos e culturas;e de xeito permanente na vida das persoas. É imprescindible para vivir e forma parte da educación. O xogo proporciona pracer, diversión, ledicia e certa evasión da realidade, necesaria para manter o equilibrio na vida.
Os xogos populares e tradicionais son aqueles que son practicados e coñecidos, en grande medida polo pobo, entre un determinado grupo social. Transmítense de xeración en xeración e perduran no tempo ainda que os valores culturais vanse modificando e transformando,por exemplo, xogos de labores no campo, de loita, de tiro de precisión, rurais e urbáns, etc. Teñen a posibilidade de poñer en contacto a rapaces e rapazas con outras xeneracións (pais, avós, bisavós,...)contribuindo a un enriquecemento interxeracional. Supoñen unha alternativa para a ocupación no tempo de lecer e na maior parte dos casos póñennos em contacto coa natureza. O carácter contractual das sortes favorece o diálogo e a aceptación das normas, ademais de enriquecer a linguaxe.
Como sempre, queremos pedirlles a súa colaboración para que busquen nas familias aqueles que xogaban a este tipo de xogos, que llo expliquen aos nenos e nenas e que se lles apetece , estaríamos encantados que llos viñesen contar ao colexio. Igualmente se saben como botar as sortes para escoller. Poden cubrir o papel que ven abaixo e darllo á titora ou titor para organizar a charla ou practicalo.

Os xogos que estamos traballando por clase son: As chapas, a corda, o peón (trompo), a Mariola, A Comba, A Chave, a Roucha (aro), O Pano, A Porca, A Petanca, Os Saca-pauciños, A Ra, Os Bolos celtas, A Pata de galo, Antón Piruleiro, Os Pelouros ou Coias, Carreiras de sacos, O Brilé. Seguro que vostedes saben mais ou moito dalgún destes. VEÑAN E CÓNTENNOLO!!!

Botar a sortes. Rei, rei, cantos anos vivirei."25, non o sei, 1,2,3,...

Donación ao colexio dun fermoso cadro do pintor vigués Ramón Méndez

Cando no curso pasado, co tema dos pintores galegos, lle puxemos o nome deste gran pintor a unha clase prometeunos un cadro del. o prometido foi débeda e apareceunos con este gran cadro de tanto valor no mercado. estámoslle moi agradecidos e desde aquí toda a Comunidade Educativa do Ceip Seis do Nadal llo agradece moito. Está na sala de Usos Múltiples para que todos e todas poidan gozar del.

SEMENTAMOS ACIVROS E LANDRAS

Os nenos e nenas de 1º coas profes Bea e Cris estivemos sementando acivros e tamén sementamos landras para que nazan carballos. Logo levarémolos ao monte para que medren e visitarémolos para coidalos.



PASODOBLE DA CASTAÑA DO SEIS

PASODOBLE DA CASTAÑA

A CASTAÑA NO OURIZO
QUIXO RIR E REGHAÑOU
DO CASTIÑEIRO CAEU
MIRA QUE GHOLPE LEVOU

COMICHELA CASTAÑA’
COMÍN, SÍ SEÑOR
DIME CON QUEN COMICHES
CO MEU AMIGO ANTÓN

UNHA,DÚAS,TRES CASTAÑAS
HABÍA NO CASTIÑEIRO
NO DÍA DE SAN MARTIÑO
ASARONSE NA FOGUEIRA

COMÍCHELA CASTAÑA?
COMÍN ABOFÉ
DIME CON QUEN COMICHES
CO AMIGO XOSÉ

NON CHAS QUERO, NON CHAS QUERO
CASTAÑAS DO TEU MAGOSTO,
NON CHAS QUERO , NON CHAS QUERO
QUE ME CHEIRAN A CHAMOSCO

COMÍCHELA CASTAÑA?
COMINA COM PAN
DIME ONDE A COMICHES
NO SEIS DO NADAL

A CASTAÑA NO OURIZO
EU BEN SEI O QUE ELA FAI
CANDO ESTÁ VERDE , MADURA
E CANDO ESTÁ MADURA CAE.

COMÍCHELA CASTAÑA?
COMINA CON PAN
DIME ONDE A COMICHES
NO SEIS DO NADAL.

Música: “ A saia da Carolina”
Letra: Arranxos de Loli Valencia.