O FIADEIRO: 05/10

21.5.10

RIVADULLA CORCÓN veunos falar do seu libro: " O elefante sen unha orella"

É un escritor moi simpático e divertímonos moito lendo o seu libro.

20.5.10

DÍA DO LIBRO

Este ano celebramos un día do libro ben simpático. Os nenos e nenas maiores fixeron de madriñas e padriños e léronnos un libro no patio, logo nós démoslle un agasallo. Queremos que se repita máis veces!!!!!

10.5.10

"A FANTASTICA VIAXE DE PATRI"

Os alumnos e alumnas de educación infantil foron ao Verbum e participaron nunha actividade organizada polo Concello,"Contos para falar",A fantástica viaxe de Patri".Despois de pasalo moi ben,déronnos como agasallo un conto e un cd.

CONTACONTOS

Educación Infantil aisitiu a un contacontos que,con animación musical ,contounos contos solidarios.¡Que ben o pasamos!

6.5.10

FLORES ESPACIAIS

Loli e Bea fixéronnos unha flores espaciais riquísimas. Noraboa ás cociñeiras! Poden repetilo máis a miúdo!!!!!!

REFRANEIRO

MAIO
-Maio longo, San Xoán redondo.
-En maio, ainda a vella queima o tallo.
-Quen en maio non merenda, ós mortos se encomenda.
-Vai ver se a túa viña reluz, o día de Santa Cruz (3 de maio).
-De Corpus á Ascensión, tres semanas son.
-Cando en maio hai lama, ainda algo se gaña.
-En maio, o garbanzal, nin nado nin por sementar.
-Se marzo maiea e maio marcea, pobre dos que viven na aldea.
-Ata o corenta de maio non quites o saio.
-Polo San Isidro, sementa o teu millo.
-Nin maio sen trebóns, nin home sen calzóns.
-A ovella do pobre, no maio morre.
-Are quen arou que xa maio entrou.
-Auga en maio carga o carro.
-Auga en maio, pan para todo o ano.
-Días de maio tan longos sodes, que morro de fame e morro de amores.
-En maio calquera besta é cabalo.
-En maio millo sementado, cal enxoito, cal mollado.
-En maio o millo raro na lareira e basto na eirá.
-Maio atreboado, ano temperado.
-Maio chuvioso, verán caluroso.
-Maio frío, moito trigo.
-Maio venturoso, ano fermoso.
-O que en maio se molla, en maio se enxoita.
-O touro, o galo, a troita e o barbo, no mes de maio.
-Pola Santa Cruz de maio o lobo e o corvo nados, e o raposo medio criado.
-Se non houbera maio, non habería ano malo.